星期五 耶穌受難日
今日上佛山探三舅父。一早已經買左直通車飛。開十點十。約左十點鐘喺紅磡火車站等。
九點鐘要出發。去石門搭火車去紅磡。C出口直上大堂。去到都係九點八。去到離境大堂，一個人都冇。打俾佢地。九點九至到齊。
十點鐘入左閘，喺裡面等。阿強買左一人一個砵仔糕上車食。
架車遲左四個字咁滯。
十一點二至開車
兩點二至到。喺車上面食左砵仔糕，同埋尋日食剩嘅嗰兩塊麵包。
拿拿聲出閘，唔使同人地迫。
我用e道，好快就出左黎。
又話出面好多野食。出黎一睇，乜都冇。約左阿坤三點半黎接我地。
睇一輪，都係去車站隔離間野食。呢間算似樣，唔係湘、川菜。
入到黎，一個客都冇。兩個人伏喺度瞓緊覺。
我食呢個「土豆炒豬肉」飯。有小小辣。
未食完，打左俾阿坤，佢黎到，等俾錢。
佢話食左六十幾蚊，咁平嘅？
佢叫左司機黎接我地。佢揸架寶馬X6。不過我三日都冇坐過。
我坐副駕駛。
車左我地去酒店。都幾靚喎。
原來要攞左張回鄉證，影張相。然後就俾返張證我地。
上去房，放低啲野，就出街。
今次阿坤老婆都黎埋。呢架車佢嘅。原來佢地個個人都有車。
先去三舅父吉利間屋。
佢地俾左兩封利是俾我地每一個。
上去佢四樓天棚，睇下佢種嘅菜。
然後入落去下一層，睇吓佢個龜池。養左好多「石金錢」，啲水又黑又臭。
住兩層，兩層丟空。
走人。又去阿坤間屋。
佢地三兄弟都係住「萬科城」。先去阿坤間大屋。
間屋有四百幾平。好大。
佢地將個車庫改左做一個飯堂。啲車擺左出去車道。咁都得嘅。
煮食嗰陣仲推左個爐出去。真係唔怕人鬧。佢地話今晚喺呢度食飯喎。
Cherry 同佢個仔
跟住上去個細廳飲茶。
搞好耐都唔知佢叫乜。原來佢最細，叫阿權。
原來係打邊爐。
先食生蠔。煲滾水，放啲蠔落去。竟然係熄火浸一陣，就撈俾我地食。嘩。乾唔乾淨嫁？
冇計。照食。佢地飲拔蘭地，阿強飲紅酒。咁就成日敬酒。SERENA隔離嗰個叫阿樂。最大嘅。阿樂隔離係阿坤個親家。佢就住喺阿坤隔離。
淥魚片又係咁。一滾，熄火，落魚。即食。
食完飯，行去另一間「細」啲嘅別墅。都係喺萬科城。隔一條街，過馬路就到。
好遲至知，係阿樂，大表弟間屋。
跟住又開車去探二妗母，佢個仔係「村長」，而家唔做，叫「艦長」。因為佢地扒龍舟。佢都係「偉」字輩，叫阿強。大過我，所以係表哥。
佢地抱左二妗母黎。佢都好精神，但兩隻腳腫左。行唔到。原來偉強前兩日娶新抱。
最後成十點鐘至返酒店。
我瞓左邊張床。
刷完牙。坐一陣。手機用尿袋义電义一晚。十一點幾瞓。聽朝約左八點鐘去隔離飲茶。
星期六
今朝較左手錶鬧鐘。七點鐘鬧。好快就刷完牙，剃左鬚。
七點半落街行吓。
隔離就係酒樓。
艦長好鬼遲至到。
飲茶飲左成兩個幾鐘，十點幾至走人。
跟住坐阿坤個仔「志鵬」架奧迪A7去佢地個展銷廳。
原來唔使五分鐘車程，就喺街另一邊。坐落就要落車。
原來係磚，真以為係石。原來啲紋都係電腦做好，射印落去。
跟住又去探偉柱。
呢個喺肇慶大學讀軟件工程。我同佢傾左一陣。佢亞哥啱啱畢業。
跟住開車去食飯。我坐志鵬架車。又去食農家菜。
呢餐艦長請。不過都唔知邊個打邊個。
食完，去祖廟。佢地又商量開邊幾架車。先返舅父屋企先，放低架車。
然後我坐阿坤個老婆架車去祖廟。
佢兜左一輪至入到停車場，人地都到左好耐。
要買入場券每人廿蚊。
可以去影一張集體照。
呢個叫翠冰。阿樂個女，讀緊翻譯嘅。
跟住過去嶺南天地行吓。
入去「民信」食雙皮奶。我食左一碗綠豆沙。
又去買盲公餅、雞仔餅俾我地。
跟住返番興華商場攞車。
開車去食飯。見咁晏，費事返去，就揸車去農家菜館。
搵左好耐，喺竇頭村。
入錯另一間。問吓。冇訂五圍枱，知錯左。就四圍行吓。
卒之搵到。泊低架車，仲以為錯左。二表嫂行入去，話係喎。呢啲咁嘅農莊菜館，係佢地至睇得出。可能仲未領牌。
出去路口等佢地來。
可以摘新鮮粟米。每個五蚊
未開花向日葵
又係打邊爐。
食完又係原車走。仲有燒烤。喺阿樂屋企。二表嫂車我地返去佢屋企先。攞左啲果皮俾我地，然後行過去阿樂間屋。都好近，尋晚去過。
原來果皮生左蟲。一齊去捉。
去到阿樂屋企，又飲茶。
影大合照。
ADD左CHERRY個微訊，俾返啲相佢地。成十點幾至出去燒烤。
都夜嘞，由阿翠萍個老公同志堅車我地返酒店。
沖完完，坐一陣都成十二點至瞓。
星期日 復活節
今朝約左七點落去二樓食自助早餐。本來冇嘅，阿坤尋日返黎加返。今朝六點三鬧鐘。六點就起左床。
七點九落去。阿權兩公婆，阿坤都黎。阿坤老婆今朝七點二喺呢度搭左直通巴落紅磡。
上車個司機就問我地叫阿坤老豆做舅父？我地即刻唔出聲。
九點就到廣州東站。入去坐吓。
我地搭十點卅七分嗰班。十點鐘至入閘。
坐雙層車。坐下層。
分開坐。
一點左右就返到紅磡。
去置富都會食飯。
去呢間梁山泊。
食完散。我落去搭87D返濱景。沖完涼，上左相。五點三出門，去聖堂。
今日係耶穌復活主日。
夜晚寫返日記。仲喺微信SEND左啲相俾CHERRY。邊寫邊同CHERRY傾。
留言
發佈留言